Ristað brauð með avocado er dásamlega gott og mjög vinsæll réttur um þessar mundir.
Hægt er að panta þetta á nánast öllum kaffihúsum í Reykjavík. Þetta er tilvalið 
í helgarbrönsinn, morgunmat eða jafnvel hádegismat. Ég nota alltaf súrdeigsbrauð í mitt. Þá á ég mjög oft súrdeigsbrauð í frystinum sem ég skelli í brauðristina. Hérna koma þrjár hugmyndir fyrir ykkur til að njóta.

thumbnail_IMG_6292 copy

Með chili og fræblöndu
Rífur aðeins í og er dásamlega gott fyrir þá sem fíla það!

Uppskrift:
Ristuð súrdeigsbrauðsneið
½ avocado
Chili eftir smekk
Hvítlauksrif
1 msk fræblanda (t.d. frá Himnesk Hollusta)
Salt og pipar
Safi úr sítrónu
Baunaspírur
Steinselja (til skreytingar)

Skerið chili eftir smekk og steikið ásamt fræjum upp úr olíu. Pressið hvítlaukinn og bætið honum við. Skerið avocado í sneiðar og raðið þeim á brauðsneiðina. Kreystið smá sítrónusafa yfir. Að lokum dreifið chiliblöndunni ofan á og skreytið með baunaspírum og steinselju.

 

thumbnail_IMG_6235

Með baunaspírum og radísum
Þetta er mjög einfalt og létt í magann. Það þarf ekki að vera flókið til að vera gott.

Uppskrift:

Ristuð súrdeigsbrauðsneið
½ avocado
1 radísa
Baunaspírur
Salt og pipar
Safi úr sítrónu
Steinselja (til skreytingar)

Stappið avocado og smyrjið á brauðsneiðina. Kreystið smá sítrónusafa yfir og saltið og piprið. Skerið radísuna í þunnar sneiðar og dreifið yfir. Að lokum setjið baunaspírur og steinselju ofan á.

 

IMG_9071

Með beikoni og hleyptu eggi
Hleypt egg, avocado og beikon er æðisleg blanda sem klikkar ekki. Saðsamt og mjög gott.

Uppskrift:

Ristuð súrdeigsbrauðsneið
1 egg
Matreiðsluedik
½ avocado
2 beikonsneiðar
Salt og pipar
Safi úr sítrónu
Steinselja (til skreytingar)

Hitið ofninn í 200°C og bakið beikonið þar til það er orðið stökkt.

Hitið vatn í potti. Brjótið egg í litla skál. Hellið egginu varlega í vatnið þegar það er orðið sjóðandi heitt en alls ekki bullsjóðandi. Látið það sjóða í 3 mínútur og veiðið það upp úr með ausu.

Stappið avovado og smyrjið á brauðsneiðina.  Kreystið smá sítrónusafa yfir. Skerið beikonið í litla bita og dreifið því yfir. Tyllið hleypta egginu ofan á sneiðina og saltið og piprið eftir smekk. Skreytið með steinselju.

 

 

Hildur Rut Ingimarsdóttir
Hildur Rut Ingimarsdóttir er 29 ára og búsett í Reykjavík með kærasta sínum og syni. Hún hefur brennandi áhuga á matargerð og gaf út matreiðslubókina Avocado fyrir jólin 2016. Ásamt því að skrifa fyrir framinn.is vinnur hún hjá Pennanum Eymundsson á fyrirtækjasviði.

Author: Hildur Rut Ingimarsdóttir

Hildur Rut Ingimarsdóttir er 29 ára og búsett í Reykjavík með kærasta sínum og syni. Hún hefur brennandi áhuga á matargerð og gaf út matreiðslubókina Avocado fyrir jólin 2016. Ásamt því að skrifa fyrir framinn.is vinnur hún hjá Pennanum Eymundsson á fyrirtækjasviði.