Það er dásamlegt að útbúa sjálfur bröns um  helgar og bjóða vinum og fjölskyldu. Ég geri mikið af því. Svo eru margir staðir hérna í Reykjavík sem bjóða upp á æðislegan bröns. Hér er uppskrift af fritatta með 4 tegundum af ostum. Frittata er ítölsk eggjakaka sem er fyrst elduð á pönnu og svo er hún bökuð í ofni. Mæli með að bera þetta fram með fersku salati.

Uppskrift fyrir 4-6

6 egg
250 ml rjómi
1 dl rifinn parmesan ostur
Salt og pipar
Cayenne pipar
1 tsk olía (olívuolía eða avocado olía)
20 gr smjör
2 dl rifinn cheddar ostur
1 dl kotasæla
1 dl rifinn mozzarella ostur
1 msk steinselja

Hrærið egg, rjóma, parmesan, cayenne pipar, salt og pipar saman. Hitið olíu og smjör   á 20 – 25 cm pönnu sem má fara inn í ofn og stillið á vægan hita. Bræðið smjör og olíu á pönnunni. Hellið síðan eggjablöndunni á pönnuna og látið malla í 5-7 mínútur.

Því næst dreifið cheddar osti, kotasælu og mozzarella yfir blönduna og eldið í 12 mínútur. Dreifið steinseljunni yfir og bakið inn í ofni í 10 mínútur við 180°C. Toppið með rifnum parmesan osti. Berið fram með fersku salati.

Hildur Rut Ingimarsdóttir
Hildur Rut Ingimarsdóttir er 29 ára og búsett í Reykjavík með kærasta sínum og syni. Hún hefur brennandi áhuga á matargerð og gaf út matreiðslubókina Avocado fyrir jólin 2016. Ásamt því að skrifa fyrir framinn.is vinnur hún hjá Pennanum Eymundsson á fyrirtækjasviði.

Author: Hildur Rut Ingimarsdóttir

Hildur Rut Ingimarsdóttir er 29 ára og búsett í Reykjavík með kærasta sínum og syni. Hún hefur brennandi áhuga á matargerð og gaf út matreiðslubókina Avocado fyrir jólin 2016. Ásamt því að skrifa fyrir framinn.is vinnur hún hjá Pennanum Eymundsson á fyrirtækjasviði.