Það er kominn desember og þá er tími fyrir smákökubakstur. Þessar smákökur eru afar ljúffengar og góðar. Þær eru mjúkar að innan og stökkar að utan og hvítt toblerone setur punktinn yfir i-ið.

Uppskrift

100 gr púðursykur
50 gr smjör (við stofuhita)
1 egg
150 gr suðusúkkalaði
1 tsk vanilludropar
100 gr hveiti
1 tsk lyftiduft
50 gr möndlumjöl
100-200 gr hvítt toblerone

Bræðið helminginn af suðusúkkulaðinu yfir vatnsbaði og saxið hinn helminginn í litla bita. Hrærið saman smjör og púðursykur. Blandið egginu við og hrærið þar til blandan verður létt og ljós.

Bætið við bárðnu súkkulaði og vanilludropum og hrærið. Sigtið hveiti og lyftiduft út í blönduna og hrærið. Að lokum blandið við saxaða suðusúkkulaðinu og möndlumjöli. Kælið deigið vel.

Brjótið toblerone í bita og skerið þríhyrningana í tvennt. Notið teskeið til þess að gera litlar kúlur úr deiginu og setjið á smjörpappír. Þær stækka vel þannig að hafið gott bil á milli þeirra. Því næst setjið toblerone bitana ofan á kúlurnar. Bakið við 180°C í 10-12 mínútur.

Hildur Rut Ingimarsdóttir
Hildur Rut Ingimarsdóttir er 29 ára og búsett í Reykjavík með kærasta sínum og syni. Hún hefur brennandi áhuga á matargerð og gaf út matreiðslubókina Avocado fyrir jólin 2016. Ásamt því að skrifa fyrir framinn.is vinnur hún hjá Pennanum Eymundsson á fyrirtækjasviði.

Author: Hildur Rut Ingimarsdóttir

Hildur Rut Ingimarsdóttir er 29 ára og búsett í Reykjavík með kærasta sínum og syni. Hún hefur brennandi áhuga á matargerð og gaf út matreiðslubókina Avocado fyrir jólin 2016. Ásamt því að skrifa fyrir framinn.is vinnur hún hjá Pennanum Eymundsson á fyrirtækjasviði.