Það er mjög auðvelt að gera granóla og svo er það líka oft hollari kostur en það sem fæst í matvörubúðunum. Þessi uppskrift er dásamlega ljúffeng og einföld og passar sérlega vel með grískri jógúrt og ferskum berjum. Endilega prófið ykkur áfram með fræ og hnetur sem ykkur finnst góðar. Í þessari uppskrift eru pekanhnetur í miklu hlutfalli en þær innihalda fjölmörg vítamín og eru ríkar af andoxunarefnum.

5 dl pekanhnetur
2 dl afhýddar möndlur
1 dl sólblómafræ
1 dl graskersfræ
3 dl kókosflögur
2 msk kókosolía
2 msk sukrin gold

Skerið pekanhnetur og möndlur gróft. Hitið kókosolíu á pönnu og hrærið sukrin saman við. Bætið út í hnetunum, möndlunum og fræjunum og blandið vel saman.

Dreifið blöndunni á smjörpappírsklædda ofnplötu og bakið við 180°C í 15 mínútur. Hrærið reglulega í blöndunni og passið að hún brenni ekki.

Ristið kókosflögurnar í ofni eða á pönnu og blandið þeim saman við í lokin.

Hildur Rut Ingimarsdóttir
Hildur Rut Ingimarsdóttir er 29 ára og búsett í Reykjavík með kærasta sínum og syni. Hún hefur brennandi áhuga á matargerð og gaf út matreiðslubókina Avocado fyrir jólin 2016. Ásamt því að skrifa fyrir framinn.is vinnur hún hjá Pennanum Eymundsson á fyrirtækjasviði.

Author: Hildur Rut Ingimarsdóttir

Hildur Rut Ingimarsdóttir er 29 ára og búsett í Reykjavík með kærasta sínum og syni. Hún hefur brennandi áhuga á matargerð og gaf út matreiðslubókina Avocado fyrir jólin 2016. Ásamt því að skrifa fyrir framinn.is vinnur hún hjá Pennanum Eymundsson á fyrirtækjasviði.