Ef að þið viljið gera eitthvað djúsi og súper gott um helgina þá eru þessar ostabrauðstangir málið. Mæli með að borða þær volgar og rífa parmesan ost yfir þær þegar þær eru nýkomnar úr ofninum.

Uppskrift

Deig
2 dl mjólk
50 gr smjör
1 pkn þurrger (12 gr)
1/2 egg
1 tsk salt
1 tsk sykur
Spelt

Fylling
1 pkn Philadelphia rjómaostur með graslauk (180 gr)
200 gr Rifinn mozzarella
Parmesan ostur
Salt & pipar

Skraut
Steinselja
Parmesan ostur
Cayenne pipar

Bræðið smjör og blandið saman við mjólk. Blandan á að vera um 37°C. Bætið þá þurrgerinu við og hrærið.

Þeytið egg og hellið helmingnum af egginu við gerblönduna. Bætið sykri og salti við. Að lokum bætið speltinu út í smátt og smátt þangað til að deigið verður mjúkt og smá blautt. Breiðið viskustykki yfir skálina með deiginu og látið hefast í kringum 30 mínútur.

Þegar deigið hefur náð að hefast, bætið þá örlitlu spelti saman við og fletjið það út.

Smyrjið rjómaostinum á deigið, dreifið mozzarella og rífið parmesan eftir smekk. Kryddið og skerið deigið í minni kassa (ég nota pizzahníf). Rúllið svo í ostastangirnar. Að því loknu, penslið þær með restinni af egginu.

Rífið parmesan ost yfir, dreifið steinselju og kryddið með cayenne pipar ofan á stangirnir. Bakið við 200°C í 20 mínútur. Takið brauðstangirnar út og rífið meiri parmesan yfir þær.

Hildur Rut Ingimarsdóttir
Hildur Rut Ingimarsdóttir er 29 ára og búsett í Reykjavík með kærasta sínum og syni. Hún hefur brennandi áhuga á matargerð og gaf út matreiðslubókina Avocado fyrir jólin 2016. Ásamt því að skrifa fyrir framinn.is vinnur hún hjá Pennanum Eymundsson á fyrirtækjasviði.

Author: Hildur Rut Ingimarsdóttir

Hildur Rut Ingimarsdóttir er 29 ára og búsett í Reykjavík með kærasta sínum og syni. Hún hefur brennandi áhuga á matargerð og gaf út matreiðslubókina Avocado fyrir jólin 2016. Ásamt því að skrifa fyrir framinn.is vinnur hún hjá Pennanum Eymundsson á fyrirtækjasviði.