Fiskur í mjúkum tortillum hefur verið vinsæll réttur á ströndum Mexíkó í margar aldir en hann er líka í uppáhaldi hjá mörgum í dag. Þessi uppskrift er einföld og mjög bragðgóð en þið getið notað hvaða fisk sem er, það er mjög gott að nota t.d. bleikju, löngu og risarækjur. Ég mæli með að þið prófið ykkur áfram.

Uppskrift:
fyrir fjóra

500 gr þorskur
1 egg
Spelt
Taco explosion (krydd í bréfi frá Santa Maria)
Salt og pipar
Smjör
Litlar tortillur
Rjómaostur (hreinn Philadelphia rjómaostur)
¼-½ hvítkál
¼-½ ferkst rauðkál
2 tómatar
2-3 msk rauðlaukur
2 msk kóríander
2 avocado

Limesósa
1 dl majónes
1 dl sýrður rjómi
Safi úr 1-2 lime
½ tsk limebörkur
Salt og pipar

Skerið tómata (hreinsið fræin úr), rauðlauk og avocado í litla bita og hrærið saman við kóríander.

Skerið hvítkál og rauðkál í ræmur og setjið í skál.

Pískið egg í skál. Hrærið saman speltinu og kryddinu á disk.

Skerið þorskinn í bita,  veltið þeim upp úr egginu og síðan speltblöndunni. Steikið fiskinn á pönnu upp úr smjöri.

Hitið tortillur í ofni, smyrjið rjómaosti á þær, dreifið kálinu, tómatsalsanu og fiskinum. Toppið tacoið með limesósu og kóríander. Fyrir þá sem vilja hafa þetta örlítið sterkara þá er gott að bera þetta fram með tabasco sósu.

Limesósa
Hrærið majónesi og sýrðum rjóma ásamt rifnum lime berki, lime safa, salt og pipar.

Hildur Rut Ingimarsdóttir
Hildur Rut Ingimarsdóttir er 29 ára og búsett í Reykjavík með kærasta sínum og syni. Hún hefur brennandi áhuga á matargerð og gaf út matreiðslubókina Avocado fyrir jólin 2016. Ásamt því að skrifa fyrir framinn.is vinnur hún hjá Pennanum Eymundsson á fyrirtækjasviði.

Author: Hildur Rut Ingimarsdóttir

Hildur Rut Ingimarsdóttir er 29 ára og búsett í Reykjavík með kærasta sínum og syni. Hún hefur brennandi áhuga á matargerð og gaf út matreiðslubókina Avocado fyrir jólin 2016. Ásamt því að skrifa fyrir framinn.is vinnur hún hjá Pennanum Eymundsson á fyrirtækjasviði.